Deutsche Internationale Schule Tbilissi

ჩვენი სკოლა გახანგრძლივებული სკოლაა.

ის გთავაზობთ სასკოლო კვებას, ასევე ნაშუადღევის პროგრამას, რომელიც მოიცავს საშინაო დავალებების მომზადებასა და სხვადასხვა აქტივობას (წრეებს).

იხ. სასკოლო განრიგი:

ძირითადი გაკვეთილების დრო

9:00 -დან 14:45-მდე (დაწყებითი სკოლა)
9:00-დან 15:45-მდე (საბაზო საფეხური)

კვება

10:30-დან 11:00-მდე (საუზმე)
12:30-დან 13:15-მდე (სადილი)
15:45-დან 16:15-მდე (სამხარი)

ხანგრძლივი შესვენებების განმავლობში ჩვენს მოსწავლეებს შეუძლიათ როგორც საკვების მიღება ასევე სუფთა ჰაერზე თამაში და მოძრაობა.

საშინაო დავალებების მომზადების დრო / სამეცადინო ოთახით სარგებლობის დრო

15:00-დან 15:45-მდე (დაწყებითი სკოლა)

პარასკეობით პედაგოგები დაწყებითი სკოლის მოსწავლეებს საშინაო დავალებებს არ აძლევენ. ამის ნაცვლად 15:00-დან 15:45-მდე ვიკრიბებით და გახანგრძლივებული სკოლის გუნდის ბავშვებთან ერთად განვლილ კვირას მიმოვიხილავთ: რას მივაღწიეთ? რამ გაგვახალისა? რის გამო ვიჩხუბეთ და რა გვადარდებს? რას ვგეგმავთ და რას ვუსურვებთ ერთმანეთს?

16:15-დან 17:00-მდე (საბაზო საფეხური)

საბაზო საფეხურის მოსწავლეებს დამოუკიდებლად სწავლისა და ჯგუფური მეცადინეობების საშუალება ეძლევათ.

გახანგრძლივებული სკოლის კონცეფცია გულისხმობს იმას, რომ ყოველ სემესტრში ნაშუადღევის აქტივობების ახალ ნუსხას ვადგენთ. ამ შემოთავაზებების ხარჯები სასკოლო გადასახადებით იფარება, მონაწილეობა ნებაყოფლობითია.