სკოლა და საბავშვო ბაღი მარტიდან კორონა-კრიზისის გამო დაკეტილია. გაკვეთილები ონლაინ სასწავლო პლატფორმების მეშვეობით ტარდება. სასწავლო წელი სწავლების ამ ფორმატით იქნა აღიარებული გერმანიის მხარის მიერ. საბავშვო ბაღიც სთავაზობს თავის აღსაზრდელებს ონლაინ აქტივობებს, რათა ჩვენმა აღსაზრდელებმა გერმანულ ენასთან, ერთმანეთთან და პედაგოგებთან კონტაქტი არ დაკარგონ. სკოლა მთლიანობაში ამ პერიოდის განმავლობაში იღებს ახალ გამოცდილებას, გარკვეულ მიდგომებს მომავალშიც ჩვეულებრივი სასკოლო პროცესის დროსაც გამოვიყენებთ. ჩვენ სიხარულით ვაკვირდებით, როგორი მონდომებით და როგორ შემოქმოდებითად მუშაობენ ჩვენი პატარები სახლში და რაოდენ დიდ მხარდაჭერას იღებენ ისინი საკუთარი მშობლებისგან. მიუხედავად ამისა, ჩვენ მოუთმენლად ველით ჩვენს აღსაზრდელებთან ერთად სკოლისა და საბავშვო ბაღის კედლებში სასწავლო და სააღმზრდელო პროცესის განახლებას, ვერაფერი შეცვლის ჩვენს საერთო ყოველდღიურობას, ჩვენს პატარებთან თამაშსა და ჩვენს დიდებთან ერთად სწავლას.
სასკოლო ცხოვრება 2019/20 სასწავლო წლის მეორე სემესტრში
01/06/2020