ჩვენი საბავშვო ბაღის ბავშვები საჭმელს მიირთმევენ დღეში სამჯერ აღმზრდელებთან ერთად საბავშვო ბაღის შესაბამისი ჯგუფების ოთახებში.
დღის განმავლობაში ბავშვებს აქვთ საუზმე, სადილი და საღამოს კვება. ერთად საკვების მირთმევა საბავშვო ბაღის მნიშვნელოვანი ყოველდღიური რიტუალია.
კვირის მენიუს შედგენის დროს ვხელმძღვანელობთ „კვების გერმანული საზოგადოების“ რეკომენდაციებით დაბალანსებულ და სრულფასოვან კვებასთან დაკავშირებით სკოლებში. ჩვენთვის ასევე მნიშვნელოვანია ადგილობრივი სეზონური ხილისა და ბოსტნეულის ასორტიმენტი და ქართული სამზარეულოს ტრადიციები.
„კვების გერმანული საზოგადოების“ რეკომენდაციები: კვება სკოლაში
საკვები მზადდება ყოველდღე სკოლის სამზარეულოში. მას 100 კვადრატული მეტრის ფართი უჭირავს და თანამედროვედაა აღჭურვილი.
სკოლის გამგეობა 2024 წლის მარტიდან თანამშრომლობს ფირმასთან „დემი ქეითერინგი“, რომელიც სამზარეულოში თავისი გუნდით არის წარმოდგენილი.