Am vergangenen Donnerstag hatten wir die große Freude Frau Prof. Dr. Dorothee Kimmich von der Universität Tübingen für eine Gesprächsrunde in unserem Hause begrüßen zu dürfen. An der Universität Tübingen hat Frau Kimmich die Professur für Neue Deutsche Literatur inne und hatte zudem zu den deutschen Auswanderern in Georgien geforscht. Lebhaft, kurzweilig und anregend sprach Frau Kimmich mit den Schülerinnen und Schülern und interessieren Eltern und Kollegen über die Bedeutung der Geisteswissenschaften, aktuelle Entwicklungen an Universitäten und schlussendlich den Wert von Literatur für unser aller Leben.
Der Deutsche Schulpreis - ეს გახლავთ პრესტიჟული ჯილდო დიდი ფულადი პრემიით კარგი სკოლებისთვის გერმანიაში. ჩვენ გავბედეთ და წელს პირველად შევიტანეთ განაცხადი. ასე აღმოვჩნდით 100-ზე მეტი ინოვაციური სკოლის გვერდით. აპრილის დასაწყისში კი დაუჯერებელი ამბავი შევიტყვეთ: ჩვენ ვართ ერთადერთი გერმანული სკოლა საზღვარგარეთ, რომელიც საუკეთესო ოცეულში მოხვდა! ვულოცავთ პედაგოგებსა და სკოლის მთელ საზოგადოებას! ახლა უკვე მოუთმენლად ველით ჟიურის მიერ გამოგზავნილ ჯგუფს ჩვენს სკოლაში.
ხუთშაბათს, 27 მარტს, გაიმართება ტურნირი კალათბურთში, რომელშიც ჩვენი სკოლის სხვადასხვა კლასების გუნდები მიიღებენ მონაწილეობას.
„მათემატიკის კენგურუ“ – ჩვენ მონაწილეობა მივიღეს ოლიმპიადაში! გუშინ ჩვენი სკოლის 68 მოსწავლემ მიიღო მონაწილეობა ოლიმპიადაში „მათემატიკის კენგურუ“ და დაკავდა ამოცანების ამოხსნით, თვლითა და საზრიანი გამოსავლების ძიებით. უდიდეს მადლობას კი ვუხდით ჩვენს მეშვიდეკლასელებს, რომლებიც საორგანიზაციო საკითხების მოგვარებაშიც დაგვეხმარნენ! ახლა უკვე დიდი ინტერესით მოველით შედეგებს - და, რაღა თქმა უნდა, კენგურუსებრი დიდი და წარმატებული ნახტომის იმედიცა გვაქვს!
გსურთ, რომ თქვენს შვილს სკოლის საერთაშორისოდ აღიარებული ატესტატი ჰქონდეს? ნიჭიერ ქართველ მოსწავლეებს ვაძლევთ შესაძლებლობას, რომ 2025/2026 სასწავლო წელს ჩვენს მე-4, მე-5, მე-6 და მე-7 კლასებში გააგრძელონ სწავლა. გერმანულენოვან გაკვეთილებზე გადასვლის პროცესს თან ახლავს მორგებული გერმანული ენის კურსი და საცდელი გაკვეთილი. ჩვენი შეთავაზებით დაინტერესებულ ოჯახებს შეუძლიათ დაგვიკავშირდნენ: sekretariat@deutscheschule.ge, ტელ.: 2293100.
ფრანგულ სკოლას კვლავ ვუმასპინძლეთ სპორტული შერკინებისთვის კალათბურთში. მე-7 კლასების მეგობრული თამაშის მთავარი დრო ისე დამთავრდა, რომ გამარჯვებული ვერ გამოვლინდა. შეხვედრის ბედი კალათაში დამატებითი ტყორცნით ჩაგდებულმა ორმა ქულამ გადაწყვიტა. ფრანგულმა სკოლამ 30-ით 32 გაიმარჯვა. კარგი თამაში იყო! ველით ახალ სპორტულ პაექრობებს სხვა სკოლებთან - ჩვენთან ან მათ მოედანზე.
უკვე ტრადიციად გვექცა და წელსაც ჩავატარეთ შეჯიბრი 2025 წლის მისალოცი ბარათის შექმნაზე. კრეატიული და მრავალნაირი ნიმუშები გამოგვიგზავნეს ჩვენმა საბაზო საფეხურის მოსწავლეებმა. გამარჯვებული კი მეშვიდეკლასელი ფინე კოტლერია. გილოცავთ, ფინე! დიდი მადლობა ასევე შეჯიბრის ყველა მონაწილეს!
ჩვენი მოსწავლეები სასკოლო წრეების მრავალფეროვანი შემოთავაზებებიდან ყოველ სემესტრში თავიანთთვის საინტერესო შემოქმედებითსა თუ სპორტულ აქტივობებს ირჩევენ, გაკვეთილების შემდეგ ჯგუფებში საქმიანობენ და ახალს შეიმეცნებენ. შეგვიძლია შეგახედოთ „ჩრდილების თეატრის“ ჯგუფში. ამ წრეზე ბავშვები სვეტლანა ცარის ხელმძღვანელობით საშობაო წარმოდგენისთვის ემზადებიან. მოუთმენლად ველით მას!
თბილისის გერმანული საერთაშორისო სკოლის ქართველი მოსწავლეები სკოლას მსოფლიოში აღიარებული გერმანული საერთაშორისო აბიტურით ამთავრებენ. მათთვის ამის შემდეგ გერმანულენოვანი ქვეყნების უნივერსიტეტებსა თუ მსოფლიოს სხვა კუთხეში მოქმედ უმაღლეს სასწავლებლებში სწავლის გაგრძელებისათვის ყველა გზა ხსნილია.
2024 წლის 8 ოქტომბერს ჩვენმა სკოლამ გერმანიის ფედერალური მიწების განათლებისა და კულტურის მინისტრთა საბჭოს ვიცე-პრეზიდენტისა და მეკლენბურგ-წინა პომერანიის ფედერალური მხარის განათლების მინისტრის ხელით გერმანიის განსაკუთრებული სასკოლო აღიარების სიგელი მიიღო, როგორც გერმანულმა სკოლამ საზღვარგარეთ.
თბილისის გერმანული საერთაშორისო სკოლა ამიერკავკასიაში ერთადერთია, რომელსაც გერმანული ზოგადსაგანმანათლებლო ატესტატის (გერმანული აბიტურის) გასცემის უფლება აქვს. 2022 წლიდან დღემდე უკვე ოცდაათმა ახალგაზრდამ დაამთავრა სკოლა აბიტურით და ევროპის სხვადასხვა ქვეყნის უნივერსიტეტებში გააგრძელა სწავლა.
საზეიმო ცერემონიას მოსწავლეებთან, მასწავლებლებთან და მშობლებთან ერთად სტუმრობდნენ გერმანიის ფედერაციული რესპუბლიკის ელჩი საქართველოში პეტერ ფიშერი და სკოლის პარტნიორები და სტუმრები საქართველოს განათლების ხარისხის განვითარების ეროვნული ცენტრიდან.
ქართველი და გერმანელი მშობლების მიერ 2010 წელს დაფუძნებულმა სკოლამ მიაღწია თავის უმნიშვნელოვანეს მიზანს: ის ბავშვებსა და მოზარდებს თბილისში აძლევს შესაძლებლობას, მიიღონ გერმანულენოვანი სასკოლო განათლება. მას აქვს უფლება, ყოველ წელს გასცეს გერმანიის უმაღლესი ზოგადსაგანმანათლებლო ატესტატები.
ჩვენი სკოლისათვის ეს ნამდვილი აღიარებაა, რადგანაც საზღვარგარეთ მოქმედ სკოლებს გერმანიის საგანმანათლებლო მაკონტროლებელი უწყებები გერმანიის უმაღლესი ზოგადსაგანმანათლებლო ატესტატის (აბიტურის) გაცემის უფლების მინიჭებისათვის დიდ მოთხოვნებს უყენებენ, სკოლამ კი მრავალი წლის განმავლობაში უნდა ამტკიცოს, რომ აკმაყოფილებს მათ.
აღმოაჩინეთ შესაძლებლობები თქვენი მომავლისთვის 17 ოქტომბერს განათლების ფესტივალზე სახელწოდებით "Kompass"! თბილისის გერმანულ საერთაშორისო სკოლაში ამ დღეს შეხვდებით საქართველოში მოქმედი გერმანული საგანმანათლებლო ორგანიზაციების, გერმანული შტუდიენკოლეგებისა და უმაღლესი დაწესებულებების წარმომადგენლებს. ისინი გიპასუხებენ შეკითხვებზე და გაგიზიარებენ ინფორმაციას გერმანიაში პროფესიული და უმაღლესი განათლების მიღების შესაძლებლობების შესახებ; მათგან შეიტყობთ გერმანული ენის კურსებსა და მოხალისეობრივ სამსახურებზე და სხვა.