Deutsche Internationale Schule Tbilissi

  • დაგვირეკეთ
    +995 32 2293100
  • სამუშაო საათები
    08:30 – 18:00 Uhr
გაცვლითი პროგრამა ჰამბურგის ობერალსტერის გიმნაზიასთან 28/05/2019

ჩვენი სკოლის მერვე და მეცხრეკლასელები ერთი კვირით იმყოფებოდნენ პარტიორ სკოლაში - ჰამბურგის ობერალსტერის გიმნაზიაში. ცხოვრობდნენ მასპინძელ ოჯახებში და კვირა შესანიშნავად გაატარეს: დაათვალიერეს ქალაქი, გაისეირნეს ელბაზე, ჰქონდათ ტური ველოსიპედებით, მოინახულეს ბერლინი და ცოტა დრო სკოლაშიც გაატარეს ... ჩვენ სიხარულით ველით ივნისის ბოლოს მოსწავლეებს ჰამბურგიდან!

მშობლების ინიციატივა 22/05/2019

სკოლის მშობელთა საბჭოს ინიციატივით ჩვენი სკოლის მოსწავლეებმა და მშობლებმა პოლიციის თანამშრომლებთან ერთად სკოლის შენობის წინ მოძრაობა დაარეგულირეს. ყოველ დილით ამ ტერიტორიაზე თავს იყრიან ავტობუსები, მანქანის მძღოლები და ფეხით მოსიარულენი. მიზანი იყო საგზაო მოძრაობის, განსაკუთრებით კი სკოლაში მოსიარულე ბაშვებისათვის, უსაფრთხოების გაუმჯობესება. ჩვენ მადლობას ვუხდით მშობელთა წარმომადგენლებსა და მოსწავლეებს მათი ჩართულობისათვის, რაც შემდეგ სასწავლო წელსაც გაგრძელდება. განსაკუთრებულ მადლობას ვუხდით ქართულ პოლიციას, რომელმაც ჩვენს ღონისძიებაში მნიშვნელოვანი როლი შეასრულა - დაგვეხმარა რჩევებითაც და საქმითაც.

გერმანულ-სამხრეთკავკასიული საპარლამენტო ჯგუფის სტუმრობა 21/05/2019

დღეს დილით სკოლას ბუნდესტაგის გერმანულ-სამხრეთკავკასიული საპარლამენტო ჯგუფის წევრები ესტუმრნენ. დეპუტატებს - იოჰანეს კარსს (სოციალ-დემოკრატიული პარტია), ბეატე ვალტერ-როზენჰაიმერსს (გაერთიანება 90/მწვანეები), ტილ მანსმანს (თავისუფალი დემოკრატიული პარტია) და დოქტორ ფრანკა ვოლფს - ადგილზე ვიზიტისა და მოსწავლეებთან, სკოლის დირექციასა და სკოლის დამფუძნებლებთან გასაუბრების შემდეგ შეექმნათ წარმოდგენა მზარდი სკოლისა და საბავშვო ბაღის შესახებ.

Finalspiele um den DIST-Pokal 15/05/2019

Die Finalspiele um den Pokal der Deutschen Internationalen Schule Tbilissi gehören inzwischen fest zu unserem Schulleben. Spannende Spiele gab es zu sehen, engagierte junge Fußballerinnen und Fußballer und eine der Schulmannschaft knapp unterlegene Elternmannschaft. Höhepunkt war diesmal der Besuch von Levan Kobiashvili, derzeit Präsidenten des Georgischen Fußballverbandes. Der prominente georgische Fußballer ehrte die Sieger und konnte sich bei uns wie zu Hause fühlen - hat er doch für drei verschiedene deutsche Bundesligavereine gespielt.

სპორტული ღონისძიება მოსამზადებელი ჯგუფის ბავშვებისა და პირველკლასელებისათვის 08/05/2019

გაზაფხულის მზიან დღეს მოსამზადებელი ჯგუფისა და პირველი კლასის ბავშვებისათვის, ჩვეულებისამებრ, ჩატარდა სპორტული ღონისძიება. პატარებს მეექვსე და მეშვიდეკლასელები ეხმარებოდნენ და ამხნევებდნენ.

სათამაშოები იაშვილის კლინიკის პატარა პაციენტებისათვის 04/04/2019

საშობაო ბაზრობიდან შემოსული თანხის ნაწილით შევიძინეთ სათამაშოები იაშვილის კლინიკის პატარა პაციენტებისათვის. დღეს ჩვენი სკოლის მოსწავლეებმა მოსამზადებელი ჯგუფის ბავშვებთან ერთად კლინიკის ფსიქოლოგს შემოწირულობა გადასცეს. მან, თავის მხრივ, გვიბოძა ბავშვების მიერ შესრულებული ნახატები და სხვა საჩუქრები, რისთვისაც მათ გულითად მადლობას ვუხდით!

სტუმრის სტატუსის მქონე მოსწავლე: ნატალი დიკმანი 02/04/2019

ინტერვიუ ჩვენი სკოლის სტუმრის სტატუსის მქონე მოსწავლესთან - ნატალი დიკმანთან

02/04/2019

- ძვირფასო ნატალი, უკვე რამდენიმე თვეა, რაც თბილისის გერმანულ საერთაშორისო სკოლაში სწავლობ. გვითხარი, თუ რატომ დაიწყე ამ სკოლაში სიარული.

- მამა ერთ-ერთი  პროექტის გამო ჩამოვიდა საქართველოში, ხოლო დედა წარმოშობით ქართველია, შესაბამისად, ჩემთვის  ეს კარგი საშუალება იყო ქვეყნის უკეთ გასაცნობად.

- ჰანოვერში ბისმარკის სკოლაში, ტრადიციულ გიმნაზიაში, სწავლობ. როგორ ფიქრობ, რით განსხვავდება ეს ორი სკოლა ერთმანეთისაგან და რა აქვთ საერთო?

- ამ ორ სკოლას შორის ბევრი სხვაობაა: ჰანოვერის სკოლა გაცილებით დიდია, სკოლაში  სულ 1700, თითოეული კლას კი, დაახლოებით, 32  მოსწავლისაგან შედგება, რაც ხშირად ძალიან  დამღლელია. პირადად მე მომცრო კლასში უკეთ ვსწავლობ. თბილისის გერმანული საერთაშორისო სკოლის კლასებში ბევრად ნაკლები მოსწავლე სწავლობს და გარემოც უფრო თბილია.

- რით განსხვავდება შენი აქაური ცხოვრება გერმანული ცხოვრებისაგან? რა გავლენა აქვს თბილისს შენზე?

- მე ეს ქალაქი ძალიან მომწონს, თუმცა, ვთვლი, რომ ის ძალზე ხმაურიანი და ქაოტურია. ზოგადად, საჯარო ცხოვრება აქ სულ სხვანაირია. სამაგიეროდ, ხალხი უფრო თბილი და მოსიყვარულეა.

- შენ ჩვენს მეცხრე კლასში სწავლობ. მოგვიყევი, როგორ მიგიღეს თავიდან თანაკლასელებმა   და მასწავლებლებმა?

- ბავშვები ძალიან კარგად მექცეოდნენ,  თავიდანვე  მიმიღეს, როგორც კლასის ნაწილი. მქონდა განცდა, რომ მე მათ უკვე დიდი ხანია ვიცნობდი. მასწავლებლებიც ძალიან მეგობრულად მექცეოდნენ და მეხმარებოდნენ, რომ საგაკავეთილო პროცესში წარმატებით ჩავრთულიყავი.

- შენ თუ ურჩევდი ჩვენს მოსწავლეებს ერთი სემეტრით სტუმრის სტატუსით გერმანიაში გამგზავრებას და თუ ურჩევდი, რატომ?

- რა თქმა უნდა, ვურჩევდი. ამ გზით ისინი შეძლებდნენ გერმანული ცხოვრებისა და კულტურის გაცნობას.  თუმცა, ამ შემთვევაში საჭიროა, გადაერთო გერმანულ ცხოვრების  სტილზე, რომელიც უფრო მოწესრიგებულია.

- და ბოლო შეკითხვა: ზოგადად როგორ გრძნობ თავს თბილისის საერთაშორისო გერმანულ სკოლაში?

- თავს აქ ძალიან კარგად ვგრძნობ!

ინტერვიუს უძღვებოდა ბატონი შროდერ-კლემენტა 

 

პროფესიის ასარჩევად მიმართულების მიცემა მეცხრე კლასში 27/03/2019

ამ დღეებში მე-9 კლასის მოსწავლეებმა ახლადგარემონტებული შერატონ მეტეხი პალასის შენობა დაათვალიერეს. მათ სასტუმროს გენერალურმა მენეჯერმა - ანდრეას ჰაიდინგსფელდერმა უმასპინძლა და მოსწავლეებს უშუალოდ მიაწოდა პრაქტიკის გავლის შესაძლებლობის შესახებ ინფორმაცია. ამისათვის მას მადლობას ვუხდით! დღეს მე-9 კლასის მოსწავლეები ფრანგულ სკოლაში გამართულ პროფესიულ ფორუმში იღებენ მონაწილებას. მათ შესაძლებლობა აქვთ სხვადასხვა კომპანიების შესახებ მიიღონ ინფორმაცია, რაც მომავალი პროფესიული პრაქტიკისათვის მნიშვნელოვანი მომზადებაა მე-9 კლასში.

პარტნიორობა სკოლებს შორის: სტუმრად ჰამბურგის ობერალსტერის გიმნაზიაში 23/03/2019

ნინო აბაშიძე და სტეფანი გოლკოვსკი ამ დღეებში ჰამბურგის ობერალსტერის გიმნაზიას ეწვივნენ. ეს არის ჩვენ მიერ ამ სემეტრში დაგეგმილი პირველი გავლითი პროგრამა, რომელშიც მე-8 და მე-9 კლასის მოსწავლეები იღებენ მონაწილეობას. ამჟამად მზადების პროცესში ვართ. ფოტოებზე აღბეჭდილია ჰამბურგის სკოლა.

თბილისის საერთაშორისო ფეხბურთის აკადემიის თასი გერმანული საერთაშორისო სკოლისათვის 05/03/2019

,,თბილისის საერთაშორისო ფეხბურთის აკადემიის“ წლევანდელ სპორტულ შეჯიბრში გერმანული საერთაშორისო სკოლის სამმა გუნდმა მიიღო მონაწილეობა. ამჯერად შეჯიბრი ამერიკულ სკოლა QSI-ში ჩატარდა. ჩვენმა უმცროსმა ფეხბურთელებმა კონკურენცია გაუწიეს სხვა საერთაშორისო და ქართული სკოლის მოსწავლეებს და თავიანთ ასაკობრივ ჯგუფში მოიგეს! დანარჩენმა ორმა გუნდმა მიუხედავად ტრავმისგან მიღებული გარკევეული მარცხისა შეძლო საპატიო მესამე ადგილის დაკავება. დღეს ჩვენ გმირები საზეიმო ვითარებაში დავაჯილდოვეთ.  ვულოცავთ მთელ გუნდს წარმატებას და გვსურს, განსაკუთრებული მადლობა ჩვენს აქტიურ ტრენერ - გიორგი ლეჟავას გადავუხადოთ! ,,ბიჭების თასს“ გოგონების მხარდაჭერის გარეშე არ ჩაუვლია. განსაკუთრებული მადლობა ამისათვის კირა და ირა ანდრონიკაშვილებს და მარიამ რატიანის!

  1. 1
  2. 2
  3. 3
  4. 4
  5. 5
  6. 6
  7. 7
  8. 8
  9. 9
  10. 10
  11. 11
  12. 12
  13. 13