ინტერვიუ ჩვენი სკოლის სტუმრის სტატუსის მქონე მოსწავლესთან - ნატალი დიკმანთან
02/04/2019
- ძვირფასო ნატალი, უკვე რამდენიმე თვეა, რაც თბილისის გერმანულ საერთაშორისო სკოლაში სწავლობ. გვითხარი, თუ რატომ დაიწყე ამ სკოლაში სიარული.
- მამა ერთ-ერთი პროექტის გამო ჩამოვიდა საქართველოში, ხოლო დედა წარმოშობით ქართველია, შესაბამისად, ჩემთვის ეს კარგი საშუალება იყო ქვეყნის უკეთ გასაცნობად.
- ჰანოვერში ბისმარკის სკოლაში, ტრადიციულ გიმნაზიაში, სწავლობ. როგორ ფიქრობ, რით განსხვავდება ეს ორი სკოლა ერთმანეთისაგან და რა აქვთ საერთო?
- ამ ორ სკოლას შორის ბევრი სხვაობაა: ჰანოვერის სკოლა გაცილებით დიდია, სკოლაში სულ 1700, თითოეული კლას კი, დაახლოებით, 32 მოსწავლისაგან შედგება, რაც ხშირად ძალიან დამღლელია. პირადად მე მომცრო კლასში უკეთ ვსწავლობ. თბილისის გერმანული საერთაშორისო სკოლის კლასებში ბევრად ნაკლები მოსწავლე სწავლობს და გარემოც უფრო თბილია.
- რით განსხვავდება შენი აქაური ცხოვრება გერმანული ცხოვრებისაგან? რა გავლენა აქვს თბილისს შენზე?
- მე ეს ქალაქი ძალიან მომწონს, თუმცა, ვთვლი, რომ ის ძალზე ხმაურიანი და ქაოტურია. ზოგადად, საჯარო ცხოვრება აქ სულ სხვანაირია. სამაგიეროდ, ხალხი უფრო თბილი და მოსიყვარულეა.
- შენ ჩვენს მეცხრე კლასში სწავლობ. მოგვიყევი, როგორ მიგიღეს თავიდან თანაკლასელებმა და მასწავლებლებმა?
- ბავშვები ძალიან კარგად მექცეოდნენ, თავიდანვე მიმიღეს, როგორც კლასის ნაწილი. მქონდა განცდა, რომ მე მათ უკვე დიდი ხანია ვიცნობდი. მასწავლებლებიც ძალიან მეგობრულად მექცეოდნენ და მეხმარებოდნენ, რომ საგაკავეთილო პროცესში წარმატებით ჩავრთულიყავი.
- შენ თუ ურჩევდი ჩვენს მოსწავლეებს ერთი სემეტრით სტუმრის სტატუსით გერმანიაში გამგზავრებას და თუ ურჩევდი, რატომ?
- რა თქმა უნდა, ვურჩევდი. ამ გზით ისინი შეძლებდნენ გერმანული ცხოვრებისა და კულტურის გაცნობას. თუმცა, ამ შემთვევაში საჭიროა, გადაერთო გერმანულ ცხოვრების სტილზე, რომელიც უფრო მოწესრიგებულია.
- და ბოლო შეკითხვა: ზოგადად როგორ გრძნობ თავს თბილისის საერთაშორისო გერმანულ სკოლაში?
- თავს აქ ძალიან კარგად ვგრძნობ!
ინტერვიუს უძღვებოდა ბატონი შროდერ-კლემენტა
ამ დღეებში მე-9 კლასის მოსწავლეებმა ახლადგარემონტებული შერატონ მეტეხი პალასის შენობა დაათვალიერეს. მათ სასტუმროს გენერალურმა მენეჯერმა - ანდრეას ჰაიდინგსფელდერმა უმასპინძლა და მოსწავლეებს უშუალოდ მიაწოდა პრაქტიკის გავლის შესაძლებლობის შესახებ ინფორმაცია. ამისათვის მას მადლობას ვუხდით! დღეს მე-9 კლასის მოსწავლეები ფრანგულ სკოლაში გამართულ პროფესიულ ფორუმში იღებენ მონაწილებას. მათ შესაძლებლობა აქვთ სხვადასხვა კომპანიების შესახებ მიიღონ ინფორმაცია, რაც მომავალი პროფესიული პრაქტიკისათვის მნიშვნელოვანი მომზადებაა მე-9 კლასში.
ნინო აბაშიძე და სტეფანი გოლკოვსკი ამ დღეებში ჰამბურგის ობერალსტერის გიმნაზიას ეწვივნენ. ეს არის ჩვენ მიერ ამ სემეტრში დაგეგმილი პირველი გავლითი პროგრამა, რომელშიც მე-8 და მე-9 კლასის მოსწავლეები იღებენ მონაწილეობას. ამჟამად მზადების პროცესში ვართ. ფოტოებზე აღბეჭდილია ჰამბურგის სკოლა.
,,თბილისის საერთაშორისო ფეხბურთის აკადემიის“ წლევანდელ სპორტულ შეჯიბრში გერმანული საერთაშორისო სკოლის სამმა გუნდმა მიიღო მონაწილეობა. ამჯერად შეჯიბრი ამერიკულ სკოლა QSI-ში ჩატარდა. ჩვენმა უმცროსმა ფეხბურთელებმა კონკურენცია გაუწიეს სხვა საერთაშორისო და ქართული სკოლის მოსწავლეებს და თავიანთ ასაკობრივ ჯგუფში მოიგეს! დანარჩენმა ორმა გუნდმა მიუხედავად ტრავმისგან მიღებული გარკევეული მარცხისა შეძლო საპატიო მესამე ადგილის დაკავება. დღეს ჩვენ გმირები საზეიმო ვითარებაში დავაჯილდოვეთ. ვულოცავთ მთელ გუნდს წარმატებას და გვსურს, განსაკუთრებული მადლობა ჩვენს აქტიურ ტრენერ - გიორგი ლეჟავას გადავუხადოთ! ,,ბიჭების თასს“ გოგონების მხარდაჭერის გარეშე არ ჩაუვლია. განსაკუთრებული მადლობა ამისათვის კირა და ირა ანდრონიკაშვილებს და მარიამ რატიანის!
მივესალმებით იოანნა პრაისლერსა და ქრისტიანე დამმანნს, რომლებიც ჩვენთან ერთ სემესტრს გაატარებენ. ისინი იენის უნივერსიტეტში პედაგოგიკას სწავლობენ. იოანა სპეციალიზირდება ფრანგულში, ისტორიასა და გერმანულში, როგორც უცხო ენა, ხოლო ქრისტიანე გერმანულსა და გეოგრაფიაში. მათ მოგზაურობა იზიდავთ. ორივე მათგანს აქვს საზღვარგარეთ ყოფნის გამოცდილება. იოანნა საქართველოში რამდენჯერმეა ნამყოფი. ის ასევე კავკასიოლოგიას სწავლობს. ქრისტიანემ ადრე ავსტრალიაში იმოგზაურა. იოანა და ქრისტიანე გაკვეთილებს ესწრებიან და ასევე დღის მეორე ნახევარში დაგეგმილ წრეებში იღებენ მონაწილეობას.
ჩვენ ორივე მათგანს ვუსურვებთ დროის სასიამოვნოდ და ნაყოფიერად გატარებას და მოხარულნი ვართ, რომ გვაქვს თანამშრომლობის საშუალება.
სკოლასა და საბავშვო ბაღში დღეს კარნავალი მოეწყო, პროგრამა ფერადი და მრავალფეროვანი იყო. დიდებისა და პატარების შემოქმედებითმა გარდასახვამ აღფრთოვანება გამოიწვია.
ჩვენმა საბავშვო ბაღის ბავშვებმა ამჯერად ექსკურსია ფიზიკური აქტივობებისათვის გამოიყენეს! პროგრამა ითვალისწინებდა ბატუტზე ხტომას, ცოცვასა და უსაფრთხო ვარდნას...
ჩვენს სკოლაში ყველა საგანი გერმანულად ისწავლება: ბიოლოგია, ფიზიკა, ქიმია, მათემატიკა, ისტორია, გეოგრაფია, ხელოვნება, მუსიკა და ეს მხოლოდ მოკლე ჩამონათვალია. იმ ბავშვებისა და მოზარდებისათვის, რომლებიც ხშირად სახლსა თუ სკოლის გარეთ სხვა ენებზე საუბრობენ, გერმანული თანდათანობით ხდება სასწავლო ენა. აღნიშნული დიდი გამოწვევაა ჩვენი მასწავლებლებისათვის, რადგან ნებისმიერი საგანი შინაარსობრივად ენასთან არის დაკავშირებული. ამრიგად, ყოველი გაკვეთილი გერმანული ენის გაკვეთილია!
გასულ კვირას ჩვენმა კოლეგებმა, შტეფანი გოლოვსკისა და თაკო კაჭახიძის ხელმძღვანელობით, ინტერნსიურად განიხილეს გერმანულენოვან გაკვეთილთან დაკავშირებული საკითხები და კონცეფციები.
დღეს ჩვენს მოსწავლეებს პირველი სემესტრის მოწმობებთან ერთად სიურპრიზი დახვდათ. ჩვენმა სკოლამ გერმანიის ფუტსალის ეროვნულ ნაკრებს უმასპინძლა. ნაკრები საქართველოში მსოფლიო ჩემპიონატში მონაწილეობის მიზნით იმყოფებაა და დღეს სკოლის ეზოში ვარჯიში გამართა. ამასთან, მოთამაშეები პირველიდან მეცხრე კლასის ჩათვლით მოსწავლეებს გაეცნენ და უამრავი ავტოგრაფი დაარიგეს. მადლობას ვუხდით ნაკრების წევრებს სტუმრობისათვის, ამ შეხვედრამ დღის ყველა მოვლენა დაჩრდილა.
Wir suchen zum Schuljahr 2019/2020 eine Grundschullehrerin/einen Grundschullehrer als Ortskraft. Voraussetzung ist ein 1. und 2. Staatsexamen für das Lehramt an Grundschulen oder eine vergleichbare Qualifikation. Wir bieten ein attraktives Arbeitsumfeld in einem spannenden und sehr gastfreundlichen Land. Mehr Informationen zur unserer Ausschreibung finden Sie auf dem Portal "Lehrer weltweit". Nehmen Sie Kontakt mit uns auf!