Deutsche Internationale Schule Tbilissi

  • დაგვირეკეთ
    +995 32 2293100
  • სამუშაო საათები
    08:30 – 18:00 Uhr
Sommerpause 02/07/2024
ფეხბურთის ტურნირი სკოლის თასისთვის 05/06/2024

გერმანული საერთაშორისო სკოლის თასისთვის გამართული ფეხბურთის ტურნირი წელს ძალიან ბევრ ემოციასთან იყო დაკავშირებული. ფინალში “FC Redeem“ დამარცხდა „ლომებთან“. გამარჯვებულ გუნდთან ერთად შევძელით ზოგიერთი მოთამაშის კარგი მომენტისთვისაც გადაგვეღო. ჩვენი მასწავლებლების გუნდი კი სამწუხაროდ სპორტული წვრთნით უნდა დაკავდეს, რადგან მშობლების ბრწყინვალე გუნდთან დიდი სხვაობით წააგო. მადლობა ყველას, ვინც ორგანიზება გაუწია ამ შესანიშნავ ღონისძიებას!

2024 წლის საერთაშორისო აბიტური - გილოცავთ! 29/05/2024

გერმანიის ფედერაციული რესპუბლიკის ელჩმა საქართველოში, ბატონმა პეტერ ფიშერმა, შაბათს ჩვენს თერთმეტ აბიტურიენტს საზეიმო გარემოში საერთაშორისო ატესტატები გადასცა. მათ განათლების პირველი რთული გზა წარმატებით გაიარეს, ახლა კი, უმაღლესი გერმანული სასკოლო ატესტატით დამშვენებულებს, ახალი ეტაპი ეწყებათ. ვემშვიდობებით ჩვენს განსაკუთრებულ, მეგობრულ მე-12 კლასს ბრწყინვალე აკადემიური შედეგებით. სკოლის დირექტორმა, ქალბატონმა დროლმა, თავის სიტყვაში მოსწავლეებს გერმანიის ფედერაციული რესპუბლიკის პრეზიდენტის, ფრანკ ვალტერ შტაინმაიერის სიტყვებით დაულოცა ცხოვრების გზა: „სიმამაცე არის დემოკრატიის ელექსირი - ისევე, როგორც შიში, დიქტატურისა და ავტოკრატიების მასაზრდოვებელი. გაბედულების სახელმწიფო ფორმაა დემოკრატია“.
დიდი მადლობა ყველას, ვინც ჩვენთან ერთად იზეიმა ჩვენი სკოლის ახალი გამოშვება!

სტუმრად აბასთუმნის ობსერვატორიაში 20/04/2024

მეათეკლასელები ხუთშაბათს ფიზიკის მასწავლებელთან, დოქტორ შტადელთან და მარიამ ჩიხლაძესთან ერთად აბასთუმნის ობსერვატორიაში იყვნენ ექსკურსიაზე. ობსერვტორია 1932 წელს დაარსდა და ზღვის დონიდან 1650 მეტრზე მდებარეობს.
კლასმა გზად პიკნიკის მოწყობა, მერე კი მტკვრის სანაპიროზე ციხის ნანგრევების მონახულება განიზრახა. მწვადითა და შემწვარი ძეხვით დანაყრებულმა მეათეკლასელებმა კიდეც მოინახულეს ციხის ნანგრევები და ამის შემდეგ მიადგნენ ობსერვატორიას. იქ, ვარსკვლავებზე ტელესკოპით დაკვირვებისას აღმოჩნდა, რომ იუპიტერი ღრუბლებში იმალებოდა, სამაგიეროდ მთვარე და ვარსკვლავები დაათვალიერეს. ობსერვატორიის ღია თაღს თითოეული დიდი ტელესკოპით დააკვირდა. ახალციხეში ღამისთავის შემდეგ, ექსკურსიის უკანა გზაზე, კლასმა რაბათის შთამბეჭდავი ციხე-სიმაგრე მოინახულა.

მეგობრული თამაში კავკასიის ფრანგულ სკოლასთან კალათბურთში 20/03/2024

თამაშს ამჯერად ჩვენ ვუმასპინძლეთ! მე-6 კლასის ჯგუფმა დიდი ანგარიშით მოუგო კავკასიის ფრანგული სკოლის მე-6 კლასს. მოთამაშეთა გუნება-განწყობა იყო ამაღლებული. ჩვენს სპორტულ დარბაზში კვლავ ველოდებით ახალ მეგობრულ შეხვედრებს.

"მშობლების კაფე" 20/03/2024

"მშობლების კაფე" სკოლის ყველა მშობელს იწვევს შეკრებისთვის - ეს არც სავალდებულოა, არც რაიმე წინასწარ თანხმობას საჭიროებს. მშობლებს აქ ერთმანეთის უკეთ გაცნობა და ერთმანეთთან არაფორმალურ გარემოში საუბარი შეუძლიათ, ასევე სკოლის ახალი მშობლებისთვის დახმარების გაწევა მათი სკოლის საზოგადოებაში ინტეგრაციისათვის და იმისათვის, რომ სკოლით გაერთიანებული საზოგადოების წევრებად იგრძნონ თავი. "მშობლების კაფე" თვის ყოველ პირველ ხუთშაბათს, სკოლის სასადილოში, 8:50-დან 10:00 საათამდე ელოდება მშობლებს. ჩაი და ყავა ადგილზეა. ნამცხვრის მოტანა ნებადართულია.

მხატვრული კითხვის კონკურსი: კითხვა არის ფილმი წარმოსახვაში 11/03/2024

გერმანიის წიგნის ბაზრობის მიერ ორგანიზებული მხატვრული კითხვის კონკურსი გერმანიის მასშტაბით ყველაზე დიდი სასკოლო ღონისძიებაა. 600.000 მეექვსეკლასელი იღებს მასში ყოველწლიურად მონაწილეობას, - ამჯერად საზღვარგარეთ მოქმედი გერმანული სკოლების მოსწავლეებიც! ჩვენმა მეექვსეკლასელებმა: დანიელმა, გაბრიელმა, ლილემ, მონტამ და ვერონიკამ ბრწყინველედ წაიკითხეს ტექსტები, ხოლო სკოლის გამარჯვებულად ჟიურიმ ლილე ჰეტი (შუაში) დაასახელა. ის შემდეგ ტურში გადავიდა და მალე სკოლას წარადგენს. წარმატებები, ლილე! ყველა მონაწილეს დიდი კომპლიმენტი ეკუთვნის, საჩუქრად კი (ამის გარეშე როგორ იქნებოდა) წიგნი გადაეცემა.

ჩვენ ვმონაწილეობთ გერმანიის კონკურსში მოსწავლეთათვის "ახალგაზრდობა იკვლევს 2024" 13/02/2024

ახალგაზრდობა იკვლევს“ არის გერმანიის ყველაზე ცნობილი კონკურსი ტექნიკურ და საბუნებისმეტყველო საგნებში, განკუთვნილი მოსწავლე-ახალგაზრდობისთვის.

საშობაო ბაზრობა 15/12/2023

16 დეკემბერს, შაბათს, გაიმართება ჩვენი ტრადიციული საშობაო ბაზრობა! საბავშვო ბაღმა და სკოლის კლასებმა ამ დღისთვის მრავალფეროვანი პროგრამა შეადგინეს. საშობაო სტენდებთან კი გელოდებათ გლინტვეინი და ბევრი სიურპრიზი. მოხარულნი ვიქნებით, თუ გვეწვევით!

 

  1. 1
  2. 2
  3. 3
  4. 4
  5. 5
  6. 6
  7. 7
  8. 8
  9. 9
  10. 10
  11. 11
  12. 12
  13. 13